Question 1

Hver er munurinn á WordPress og ykkar vefumsjónarkerfi?

Accepted Answer

Munurinn felst í sveigjanleikanum. WordPress var upphaflega gert fyrir blogg, en er í dag notað fyrir fjölbreytta vefi með viðbótum og þemum. Vefumsjónarkerfi Spaugs, byggt á Payload CMS, er hins vegar hannað frá grunni til að aðlaga bakvinnslu að þörfum vefsmiða og styður margs konar veflausnir án ósamstæðra viðbóta.

Question 2

Hvað er WordPress og WooCommerce?

Accepted Answer

WordPress er frítt vefumsjónar- og bloggfærslukerfi sem að hver sem er má setja upp og nota. WooCommerce er viðbót fyrir WordPress sem að breytir venjulegri WordPress síðu í fullbúna og öfluga netverslun.

Question 3

Hvernig virkar netverslun frá Spaugi?

Accepted Answer

Netverslunarlausn okkar er nokkuð einföld. Annað hvort sérsmíðum við útlitið sem að viðskiptavinir þínir sjá eða þú velur eitt af okkar forsmíðuðu þemum. Vefurinn sem verður úr þessu er beinagrind sem að tengist í Shopify, WooCommerce, eða það netverslunarkerfi sem að þú ert með. Bakvinnslan helst í því netverslunarkerfi sem að þú hefur valið og virkar enn með öllum þínum tengingum, eins og t.d. við Póstinn, en þínir viðskiptavinir upplifa mun hraðskreiðari, fallegri, og skilvirkar vef.

Question 4

Er hægt að tengja annað netverslunarkerfi en Shopify eða WooCommerce?

Accepted Answer

Já við getum metið hvort að hægt sé að tengja önnur kerfi en þau sem við styðjum nú þegar, en aukavinna við það er framkvæmd skv. verðskrá. Endilega hafið samband við okkur til að kanna málið saman!

Question 5

Hvernig virkar leitarvélabestun (SEO)?

Accepted Answer

Nú til dags er leitarvélabestun framkvæmd með því að passa að hámarka þær upplýsingar sem leitarvélar eins og Google fá aðgang að (þ.e. metadata) og með því að hámarka gagnlegan texta og annað efni sem birt er á síðunni. Með öllum okkar vefum höfum við þetta að leiðarljósi og vinnum með okkar viðskiptavinum til að framleiða vef sem nær þessu fram.

Question 6

Hvernig virkar hraðabestun (speed optimisation)?

Accepted Answer

Hraðabestun felur í sér að minnka stærð og magn af efni sem að vafrinn hjá notendum vefs þarf að hala niður til þess að geta hlaðið inn síðunni. Þessu má ná fram með ýmsum sniðugum brögðum eins og t.d. að hlaða fyrst inn myndum í lágmarks upplausnum en svo hlaða stærri upplausnum þegar allt annað mikilvægt efni á síðunni hefur hlaðist inn. Rétt greining á hraðavandamálum vefsíðu, ekki einungis að beita þessum brögðum eftir eigin hentisemi, og svo varkár beiting þessa bragða getur aukið 'hraða' vefs gríðarlega. Okkar lausn færir stjórnina á því hvernig vefurinn er byggður í þínar (okkar) hendur og gerir það því hægt að beita þessum aðferðum sem best.

Question 7

Hvað kostar að láta búa til vefverslun?

Accepted Answer

Kostnaður getur verið breytilegur eftir verkefnum, þarfir hvers og eins eru mismunandi. Endilega hafið samband ef að áhugi liggur fyrir að skoða vefverslun framleidda af Spaugi. Okkar sérfræðingar eru tilbúnir til að vinna með viðskiptavinum til að halda kostnaði innan ákjósanlegra marka og geta veitt ráðgjöf um bestu lausnina hverju sinni óháð viðskiptasambandi okkar.

Question 8

Er mánaðarlegur kostnaður eftir að vefverslunin er klár

Accepted Answer

Eftir að verkefni er klárað getur viðskiptavinur kosið að láta okkur um hýsingu og rekstur á því. Það getur margborgað sig rekstrarlega séð, en auðvitað fylgir því mánaðarlegur kostnaður. Viðskiptavinur hefur hins vegar alltaf kost á að flytja sína hýsingu annars staðar og geta sérfræðingar Spaugs veitt ráðgjöf og aðstoð við það ferli, vissulega gegn tímagjaldi.

Þjónusta

Við smíðum vefi sem að vinna fyrir þig

Má bjóða þér tilboð?